ფერხმოსილი / კონფიდენციალურობა
კონფიდენციალურობა
შენი არჩევანი და მონაცემები — როგორ მუშაობს საიტი. განახლებულია: 22 ოქტომბერი 2026
ამ გვერდის შესახებ
საიტზე მუშაობს ანგარიშები, კალათა, რჩეულები და პროდუქტების მართვა. ბარათით გადახდის დაკავშირებამდე ახალი შეკვეთების მიღება დროებით შეჩერებულია.
ვინ არის პასუხისმგებელი
ფერხმოსილი ბრენდის სახელია. მონაცემთა დამუშავებისთვის პასუხისმგებელი პირის სრული სახელი ან იურიდიული დასახელება, მისამართი და კონფიდენციალურობის საკითხებზე საკონტაქტო ელფოსტა ჯერ დასაზუსტებელია და რეალური შეკვეთების ჩართვამდე დაემატება.
რა ინახება შენს ბრაუზერში
სტუმრის კალათა და რჩეულები ინახება ბრაუზერის დროებით საცავში (sessionStorage) და ამავე ჩანართში გვერდებს შორის გადასვლისას შენარჩუნდება. ენის არჩევანი ინახება ლოკალურ საცავში (localStorage), რათა ხელახლა გახსნისას შენარჩუნდეს. სტუმრის არჩევანი სერვერზე არ იგზავნება. ანგარიშში შესვლის შემდეგ კალათა და რჩეულები სერვერზე ინახება. მათი ასლი და ჯერ გასაგზავნი ცვლილებები ინახება ამ ბრაუზერის localStorage-ში; ეს შეიძლება მოიცავდეს არჩეულ ზომებსა და ინდივიდუალურ გაზომვებს.
როგორ წაშალო შენახული არჩევანი
პროდუქტები შეგიძლია კალათიდან ან რჩეულებიდან ამოიღო. სტუმრის მონაცემები ჩვეულებრივ იშლება ჩანართის ან სესიის დასრულებისას, თუმცა ბრაუზერმა აღდგენილი სესიისას შეიძლება ისინიც აღადგინოს. ენის არჩევანი რჩება წაშლამდე ან ბრაუზერის მიერ გასუფთავებამდე. ყველაფრის წასაშლელად ბრაუზერის პარამეტრებში გაასუფთავე ამ საიტის მონაცემები. ანგარიშზე შენახული კალათა და რჩეულები სხვა მოწყობილობაზე იმავე ანგარიშში შესვლისას იტვირთება. გამოსვლისას ეკრანზე მონაცემები იწმინდება; ადგილობრივი ასლი და ჯერ გასაგზავნი ცვლილებები შეიძლება დარჩეს ბრაუზერში. ბრაუზერის მონაცემების წაშლა სერვერზე შენახულ ნივთებს არ შლის — ისინი კალათიდან ან რჩეულებიდან ამოიღე ანგარიშში შესვლისას.
შეკვეთის ფორმა და შენახვა
შეკვეთის გაფორმების ჩართვის შემდეგ სახელი, გვარი, ტელეფონი, ელფოსტა, ქალაქი, რაიონი, მისამართი, შენიშვნა და არჩეული პროდუქტები დამუშავდება შეკვეთის მოსამზადებლად და მისაწოდებლად. შეკვეთა ინახება Supabase-ში, ფასებით, რაოდენობით, ფერებითა და ზომებით. ბარათის მონაცემებს საიტი ამ ეტაპზე არ ითხოვს.
ჰოსტინგი და გარე რესურსები
საიტი განთავსებულია Cloudflare Pages-ზე. ანგარიშებსა და შეკვეთების მონაცემებს ამუშავებს Supabase, ხოლო შეკვეთის დადასტურებისა და გაუქმების წერილებს აგზავნის Resend. Google-ით შესვლისას ავტორიზაციას ამუშავებს Google. შრიფტები იტვირთება Google Fonts-იდან. ამ სერვისებმა შეიძლება დაამუშაონ მოთხოვნასთან დაკავშირებული ტექნიკური მონაცემები, მათ შორის IP მისამართი.
ანალიტიკა და მარკეტინგი
საიტის მიმდინარე კოდში არ არის დამატებული სარეკლამო ტრეკერები, ანალიტიკის ინსტრუმენტები ან მარკეტინგული გამოწერის ფორმა. ეს არ გამორიცხავს ჰოსტინგისა და გარე რესურსების მიმწოდებლების მიერ ტექნიკური მონაცემების დამუშავებას. ახალი სერვისების დამატებისას ეს გვერდიც განახლდება.
შენი უფლებები
მოქმედი კანონით გათვალისწინებულ შემთხვევებში შეგიძლია მოითხოვო ინფორმაცია მონაცემთა დამუშავებაზე, მონაცემებზე წვდომა, გასწორება, დამუშავების შეწყვეტა, წაშლა ან დაბლოკვა და ისარგებლო სხვა შესაბამისი უფლებებით. თუ დამუშავება თანხმობას ემყარება, შეგიძლია თანხმობა გამოიხმო. შეგიძლია მიმართო უფლებამოსილ ზედამხედველ ორგანოს ან სასამართლოს. უფლებების გამოყენების პირობები და გამონაკლისები კანონით განისაზღვრება; საიტის პირდაპირი საკონტაქტო არხი ჯერ დასამატებელია.
რეალური შეკვეთების ჩართვამდე
რეალური შეკვეთების ჩართვამდე დაზუსტდება პასუხისმგებელი პირის რეკვიზიტები, მონაცემების შენახვის ვადები, საკურიერო და გადახდის მომსახურების მიმწოდებლები და უფლებების გამოყენების საკონტაქტო არხი. განახლებული ინფორმაცია გამოქვეყნდება შეკვეთების მიღების დაწყებამდე.
ანგარიში და ავტორიზაცია
რეგისტრაციისას სახელი, გვარი, ტელეფონი და ელფოსტა ინახება Supabase-ის ანგარიშის პროფილში. ძირითადი მისამართის დამატება არასავალდებულოა და მისი გამოტოვება შეგიძლია. დამატებისას ინახება ქალაქი, საჭიროებისას რაიონი და მისამართი. პაროლს ამუშავებს Supabase Auth. ანგარიშში შესვლისას კალათა, რჩეულები და მათთვის არჩეული ზომები ანგარიშზე ინახება და სხვა მოწყობილობაზეც იტვირთება.
მთავარი ადმინი მომხმარებლების უფლებების სამართავად ხედავს რეგისტრირებული ანგარიშების სახელს, გვარს, ელფოსტას, რეგისტრაციის დროსა და დადასტურების სტატუსს. როლების ცვლილებები ინახება ბაზაში ისტორიის სახით. ადმინის როლი ინახება დაცულ ცხრილში და პროფილის თვითნებური ცვლილებით ვერ მიიღება. ადმინის ოპერაციებს სჭირდება Authenticator-ის კოდი; ამ საიტის კოდი QR-ის გასაღებს ბრაუზერის საცავში არ ინახავს. პაროლები ადმინისტრატორს არ ეჩვენება.
პროდუქტის ფოტოები ინახება Supabase-ის საჯარო ფოტოების საცავში და ხელმისაწვდომია მათი მისამართით. პროდუქტის დამატება მოითხოვს ადმინის უფლებასა და ორფაქტორიან დადასტურებას; მომხმარებლის მიერ პროფილის შეცვლა ამ უფლებას არ ანიჭებს.
Supabase — Privacyანგარიშით შეკვეთების ნახვა მოწმდება მომხმარებლის იდენტიფიკატორით. სტუმრის შეკვეთის პირადი ბმული იხსნება მხოლოდ ბმულში არსებული საიდუმლო კოდით; არ გააზიარო ეს ბმული. შეკვეთების მონაცემები მხოლოდ უფლებამოსილ ადმინებს უჩანთ ორფაქტორიანი დადასტურების შემდეგ. შიდა ჩანაწერი მომხმარებელს არ ეჩვენება. შეკვეთისა და ადმინის ცვლილებების ჩანაწერები ბაზაში ინახება.